اشكال غريبة والوان عجيبة

طبعا الناس بتخرج كتير وبتشوف حاجات كتير واكيد لاحظتوا الناس العجييبة

اولا الناس اللي تكونوا ماشين في حالهم وتلاقي واحد يجى من وراك ويروح عاطس والنوع التاني بنسميه النوع اللزقة طول منتوا ماشين تلقيه ماشي وراكم يعني من ضيق الشوارع والنوع التالت ده نوع معروف عند كل الناس لما تلقي بنت لابسة اخضر مع بني ايه اللى جاب البني للاخضر ولما تتكلموا وتقولوا اية العلاقة يردوا ببساطة شديدة الموضه مع ان والله في ناس عمرهم مالبسوا علي الموضة ومع ذالك بيلبسوا ملابس اخر شياكة واناقه وطبعا الالوان بتبقي جميلة ومتناسقه
انا مش عارفه الناس امتي الناس هتتغير بقي وتلبس علي مزاجها

مش يقولوا اصل انا شفت مش عارفة مين لبساها اصل

لو الناس تبطل تقلد وكل شخص يبقي مستقل بذاته في حجات كتير هتتغير

اوووه سوري نسيت اتكلم علي النوع التاني اللى بيكلم معاكم اكنه يعرفكم بالظبط

مع انك ولا شوفته ولا قابلته قبل كدة وتكون مثلا بتكلم صديق او اختك في موضوع خصوصي اووي وغايه في السرية وتلاقي راس طلعة وتقول معاك حق انت فعلا مش غلطان هو اللي غلطان

وييجي في خطرك وتقول هوانا قولتله حاجة اصلا علشان يكلم وفي الاخر تفتكر انه ودانه معاك ونسيت تقفلها بحتت قطنه او تسدها خالص

والنوع اللى يمشي وراك كأن مفيش مكان غير اللي انت ماشي فيه ويتحجج ويقول هو في مكان تاني امشي فيه ويكون الشارع رايق وجميل عن الايام اللى فاتت
وفي الاخر تقول معلشي دي مصر ام الدول ودي اخلاق الشعب المصري الجميل

من تحيات فرفشة لكي تعرفوا الفرفشة علي اصولها